ചുറ്റും കറുപ്പ് പൂത്ത പാടങ്ങള്ക്കു നടുവിലായിരുന്നു അയാളുടെ കുടില് .ഇടയ്ക്കു തലയുയര്ത്തി നിന്ന കരിമ്പനകള് കറുപ്പിന്റെ ലഹരി ക്കാറ്റിനാല് മത്തു പിടിച്ചു നിന്നു. നേരം പുലര്നതേ ഉള്ളൂ അന്തരീക്ഷത്തില് കറുപ്പിന്റെ ഈര്പ്പം തങ്ങി നിന്നു.
പ്രഭാത കൃത്യങ്ങല്ക്കായി അയാള് കിണറ്റിന് കരയിലേക്ക് നടന്നു .
പാടം അവാസാനിക്കുന്ന കുന്നിന് ചെരുവില് ഒഴിഞ്ഞ മൈതാനത്ത് നാറ്റോ സൈന്യം കവാത്ത് നടത്തുന്നു ബൂട്സിന്റെ ശബ്ദവും ക്രിക്കറ്റ് ക്രീസില് വീണുയരുന്ന ദൈനം ദിന കാഴ്ചകളിലേക്ക് ഒരു നിമിഷം മിഴികള് പായിച്ചു അയാള് തന്റെ കൃത്യങ്ങളില് മുഴുകി.
ധാന്യം തീരാരായിരുന്നു മിച്ചം വരുന്ന ധാന്യപ്പൊടി ഏകദേശം മൂന്നു ദിവസത്തേക്ക് മാത്രം അതിനിടയില് പാടമുടമ എത്തിച്ചേരുമോ എന്നയാള്ക്ക് സംശയം തോന്നി സൈനികരുടെ തോക്കിന് മുനകള്ക്ക് മുമ്പിലൂടെയുള്ള യാത്രകള് ജീവന് പണയം വെച്ചായിരുന്നു .കൂടാതെ ഒളിപ്പോരാളികള് ചെമ്മണ് പാതകളില് കുഴികളില് ഒളിപ്പിച്ച സ്ഫോടക വസ്തുക്കളും
തലേന്ന് രാത്രി മൊരിച്ച ഒരു റൊട്ടി ബാക്കിയുണ്ടായിരുന്നു നിര്ജ്ജീവമായ റബ്ബര് തുണ്ട് പോലിരുന്ന റൊട്ടി കനല് കൂട്ടി മാര്ദ്ധവമാക്കിപ്രഭാത ഭക്ഷണമാക്കി ,
ശുദ്ധമായ ഒരു നുള്ള് കറുപ്പ് വിണ്ടു കീറിയ തള്ള വിരലിനും ചൂണ്ടു വിരലിനും ഇടയിലിട്ടു പരുവമാക്കി ,വലതു ചെള്ള വലിച്ചു വെച്ചു നാവിനരികിലേക്ക് തിരുകി വെച്ചു ശൂന്യമായ മനസ്സോടെ അയാള് കറുപ്പ് പാടത്തേക്കു ഇറങ്ങി .
പാടത്തിനരികിലെ കറുത്ത മൊഴു മീനുകള് പുളച്ചു മറിയുന്ന തോട്ടിലേക്ക് താഴ്ത്തിയ പൈപ്പില് വായു നിറഞ്ഞിരുന്നു .പൈപ്പിന് മറുവശം ഊന്നു വടി ചാരിയിരുന്നു ആവുന്നത്ര ഊക്കോടെ വായു നിറഞ്ഞ പൈപ്പിന്റെ ശൂന്യതയില് വെള്ളം നിറക്കാന് തുടങ്ങി ചാവേരായ് സ്വയം പൊട്ടിത്തെറിച്ച ശരീരം ഊര്ദ്ധശ്വാസം വലിക്കുന്നത് പോലൊരു ശബ്ദം അയാളില് നിന്നും പുറപ്പെട്ടു
ഒഴിഞ്ഞ സിഗരട്ട് കൂടുകളും ബിയര്കുപ്പികളും ഒറ്റപ്പെടല് പോലെ അനാഥമായി ചിതറിക്കിടന്നു .പട്ടാളക്കാര് ഇരകളെ തേടി കുന്നുകള് അരിച്ചു പെറുക്കാന് തുടങ്ങിയിരുന്നു .ഗ്രാമങ്ങളില് ആണുങ്ങള് കുറഞ്ഞു വന്നു ഒന്നുകില് സ്വയം ചാവേരാവുകയോ ചാവേരാക്കപ്പെടുകയോ ആയിരുന്നു ആണുങ്ങളെല്ലാം .
ഒറ്റപ്പെടലിന്റെ രാത്രികളില് മൈതാനത്തു നിന്നു കേള്ക്കുന്ന
രോദനങ്ങളും അട്ടഹാസങ്ങളും നാളത്തെ ചാവേറുകളുടെ ഒരുക്കത്തിന്റെ മുന്നോടികലായിരുന്നുവെന്നു നടുക്കത്തോടെ അയാളോര്ത്തു .അപ്പോഴൊക്കെ ഒറ്റപ്പെടലിന്റെ വ്യഥകള് ഘനീഭവിച്ച പുതപ്പിനുള്ളിലെക്കയാല് സ്വയം ഉള് വലി യാരാന് പതിവ്
അധിനിവേശവും സൈന്യവും ഒളിപോരാളികളും ചാവേറുകളെ സൃഷ്ടിച്ചു കൊണ്ടേയിരുന്നു
.
അല്ലെങ്കില് താനുമൊരു ചാവേര് ദുരന്തത്തിന്റെ ഇരയായിരുന്നല്ലോ എന്നയാളോര്ത്തു താഴോട്ടു ശൂന്യമായ്ക്കിടന്ന ഇടതു കാല് മുട്ടിലെ മാംസ പിന്ടത്തില് അയാള് അറിയാതെ തലോടി.
കറുപ്പ് പുല്ലുകള് പരാഗം വിതച്ച മൈതാനിയില് പോക്ക് വെയില് നൃത്തം വെച്ചു. കരിമ്പനകളില് കാറ്റ് കറുപ്പിന് ലഹരി കുടഞ്ഞിട്ടു ..മൈതാനത് പതിവുപോലെ എട്ടു ആണ്കുട്ടികള് കാല് പന്ത് കളി തുടങ്ങി ..ലഹരി മാഞ്ഞു മൈതാനത്ത് പൊട്ടിച്ചിരികളും ഹര്ഷാരവങ്ങളുയര്ന്നു.സമനിലയില് പിരിയുന്ന ഓരോ കളികളും കുട്ടികളുടെ സൌഹൃദ ബന്ധത്തെ കൂടുതല് ഊഷ്മളമാക്കി .
ഗോള് വല സ്പര്ശിക്കാത്ത ഓരോ പന്തും പാടങ്ങളിലേക്ക്തെറിക്കുന്നതു പ്രതിരോധിക്കാനായി തന്റെ ഊന്നു വടികൊണ്ട് ശ്രമിക്കുമ്പോള് അയാള് സ്വയം കുട്ടിയാവാന് ശ്രമിക്കുകയായിരുന്നു ,
കളി കഴിഞ്ഞു കുട്ടികള് പോയ്കഴിഞ്ഞിരുന്നു വീണ്ടുമൊരു ഒറ്റപ്പെടലിന്റെ നഷ്ടബോധവുമായി അയാള് കുടിലിലേക്ക് നടന്നു. ധാന്യം തീര്ന്നിരുന്നു .ഒറ്റപ്പെടുന്നവന്റെ അസ്വാസ്ത്യങ്ങള്ക്കൊപ്പം വിശപ്പും കൂട്ട് വന്നു. സ്വപ്നങ്ങള് അശാന്തിയുടെ മേച്ചില് പുറങ്ങളില് ചാവേറുകളെ കുടിയിരുത്തി. ആണുങ്ങള് തിരോഭവിച്ച ഗ്രാമങ്ങളില് കുട്ടികള് വേട്ടയാടപ്പെട്ടു.
ബൂട്സിന്റെ ശബ്ദവും തീപന്തങ്ങളും മൈതാനത്തെ ശബ്ദ മുഖരിതമാക്കി .അയാള് റാന്തല് കെടുത്തി മൈതാനത്തേക്ക് കാതുകള് കൂര്പ്പിച്ചു .കറുത്ത ചീവീടുകള് ശബ്ദത്താല് രാത്രിയെ ഭയാനകമാക്കി .കറുപ്പ് തിന്ന തവളകള് നിരത്താതെ കരയാന് തുടങ്ങി .വിശപ്പാല് ഉദ്ധരിച്ച ലിംഗം വസ്ത്രത്തെ പ്രതിരോധിക്കാന് ശ്രമിച്ചു.
.
ആണുങ്ങളില്ലാത്ത ഒരു അഭയാര്ത്തി സംഗം മൈതാനത്തെ ചെമ്മണ് പാതയരികില് വിശ്രമിക്കാനിരുന്നു .ശിരോവസ്ത്രം ധരിച്ച സ്ത്രീകള് കുഞ്ഞുങ്ങള്ക്ക് മുല കൊടുക്കാന് തുടങ്ങി .പാല് നുരയാത്ത ചപ്പിയ മുല ക്കണ്ണുകള് നോക്കി കുട്ടികള് കരഞ്ഞു. അഭയാര്ത്തികളുടെ അടക്കം പറച്ചിലുകളില് നഗരത്തിലെ എട്ടു പ്രധാന സ്ഥലങ്ങളില് ചാവേറുകള് സ്വയം പോട്ടിചിതരിയിരുന്നു.
പാല് കിട്ടാതെ കരഞ്ഞു തളര്ന്ന കുഞ്ഞുങ്ങള് ഉറക്കം തുടങ്ങി അഭയാര്ഥി സംഗം അടുത്ത സത്രം തേടി യാത്രയായി.
മൈതാനത്ത് അയാള് തനിച്ചായിരുന്നു താനെന്നും തനിചായിരുന്നല്ലോ എന്നയാള് ദുഖത്തോടെയോര്ത്തു .എട്ടുകുട്ടികളും വരേണ്ട സമയം കഴിഞ്ഞിരിക്കുന്നു ഗോള് വളകള് പന്തിനും ആര്ര്പ്പുവിളികല്ക്കായും ദാഹിച്ചു .
നേരം ഇരുളാന് തുടങ്ങി അഭയാര്ഥി സംഗത്തിന്റെ അടക്കം പറച്ചിലുകള് അയ്യാളുടെ കാതില് മുഴങ്ങാന് തുടങ്ങി 'എട്ടു പ്രധാന സ്ഥലങ്ങളില് എട്ടു ചാവേറുകള് സ്വയം പൊട്ടിത്തെറിച്ചു' സ്വയം ചാവേരാവുന്നവരുടെയും,ചാവേരാക്കപ്പെടുന്ന കുട്ടികളുടെയും മനോവ്യാപാരങ്ങള് അയാളില് ഭ്രാന്തുളവാക്കി
അയാള് കുടിലിലെക്കോടി വന്യമൃഗങ്ങളെ യകറ്റാന് പാടമുടമ സൂക്ഷിച്ച സ്ഫോടക വസ്തു വിശപ്പില് ഉദ്ധരിച്ച ലിംഗത്തിന് പിറകില് ഗുഹ്യ സ്ഥാനത്ത് വരിഞ്ഞു കെട്ടി ഇരുട്ടില് അയാള് നഗരം ലക്ഷ്യമാക്കി നടന്നു
No comments:
Post a Comment