മുരിക്കിന് പൂക്കളുടെ ശ്മശാനം ..

പിന്നാമ്പുറത്തെ അലക്ക് വെള്ളം കെട്ടിക്കിടന്ന കുഴിയുടെ അടുത്തു ചെറിയ ഉരുളന് കല്ലുകള് ചുറ്റിട്ട കരിവേപ്പിലത്തടം ,ചുറ്റും നാഞ്ഞൂല് പുറ്റുകള്.കിളിര്ത്ത ഒരു വേപ്പില നുള്ളിയെടുത്ത് കമലേടത്തി മണത്തു നോക്കി .






കമലേടത്തി അസ്വസ്ഥയായിരുന്നു .ഇന്നൊരു ദിവസം കൂടി നാളെ സത്യ നാഥന് വരും അവന്റെ കൂടെ ഭാഷയറിയാത്ത മറ്റൊരു നാട്ടിലേക്ക് പറിച്ചെറിയ പ്പെടും ഞാന് .





സത്യ നാഥന് കമലെടത്തിയുടെ ഏകമകന് .വളരെ ചെറു പ്രായത്തിലെ വൈധവ്യം ഏറ്റുവാങ്ങാന് വിധിക്കപ്പെട്ടു യൌവ്വനം ഏക മകന് വേണ്ടി ത്യജിക്കുകയായിരുന്നു രാത്രികളുടെ ഇരുണ്ട മാളങ്ങളില് നിന്നും കാമാന്ധന്മാര് തുടരാതെ മുട്ടിയ വാതിലിനു പുറകില് സത്യ നാഥനെ പൂണ്ടടക്കം പിടിച്ചു ഉറങ്ങാത്ത രാത്രികള് .





കിണറ്റിന് കരയിലെ പൂത്ത മുരിക്കില് ചുവന്ന പൂക്കള് ചോരത്തുള്ളികള് പോലെ .കാറ്റില് ആടാത്ത മുരിക്കിന് ഇലകളില് ചെകുത്താന് തുപ്പലുകള് .താഴെ കിണറ്റിന് കരയില് ചോരക്കളം പോലെ മുരിക്കിന് പൂവുകള് വീണു കിടന്നു .





സത്യ നാഥന് ഉന്നത വിദ്യാഭ്യാസം കൊടുത്ത് ഉയരങ്ങളിലെത്തിക്കുക അത് മാത്രമായിരുന്നു ജീവിത ലക്ഷ്യം .അപഥ സഞ്ചാരങ്ങളുടെ ചതിക്കുഴികളില് അകപ്പെടാതെ സൂക്ഷിച്ച യൌവ്വനം ,കാക്കാന് കരുത്തു പകര്ന്നത് സത്യന് മാഷായിരുന്നു ഒരു വിളിപ്പാടകലെ ഒരു നിഴലായി എപ്പോഴും മാഷുണ്ടാവും.ഒരിക്കലും വഴി പിടിക്കാത്തൊരു ബന്ധം .മാഷെന്തേ വിവാഹം വിവാഹം കഴിക്കാതിരുന്നത് ,എന്നൊരു നാള് കമലേടത്തി ചോദിച്ചപ്പോള് ദൂരേക്ക് നോക്കി നിന്നതല്ലാതെ മാഷ് ഒന്നും പറഞ്ഞില്ല .ഓര്മ്മകളുടെ തിരയിളക്കത്തില് വേലിയേറ്റം പോലെ കണ്ണടക്കു പിന്നിലെ കണ്ണുകള് നിറഞ്ഞുവോ ?







പ്രതീക്ഷിച്ച പോലെ സത്യാ നാഥന്റെ ജോലി ചെറു നഗരങ്ങളില് നിന്നും വന് നഗരങ്ങളിലേക്ക് മാരുന്നതനുസരിച്ച്ചു വരവും ചുരുങ്ങി വന്നു .യാത്രകളില് പങ്കാളിയായ മലയാളമറിയാത്ത പെണ്ണ് ജീവിതത്തിലും പങ്കാളിയായി .

പുച്ഛമായിരുന്നു കമലെടത്തിക്കവളോട് .അത് പോലെ സത്യനാഥന്റെ മക്കള്ക്ക് കമലെടത്തോയോടും .മാതൃത്വത്തിന്റെ ഒടുങ്ങാത്ത ത്വരയില് വാരിയെടുത്തുമ്മ കൊടുക്കാന് കൊതിച്ച പേരമകന് കമലെടത്തിയുടെ വിണ്ടു കീറിയ കാലിന്റെ ഉപ്പൂറ്റി കണ്ടു കരഞ്ഞു മാറി .







തന്റെ അപേക്ഷ പ്രകാരം സത്യന് മാഷ് നഗരത്തില് ചെന്ന് കമലെടത്തിക്ക് നിന്നെയും പേരക്കുട്ടികളേയും ഒന്ന് കാണണം എന്നറിയുക്കുകയായിരുന്നു.വര്ഷങ്ങളുടെ കാത്തിരിപ്പിനൊടുവില് സത്യ നാഥന് മക്കളെയും കൊണ്ട് വന്നു .അവള് മാത്രം വന്നില്ല .ജീവിത ത്തിരക്കുകളില് ബാങ്ക് അക്കൌണ്ടുകള് ജന്മം തന്ന വയറിനേക്കാള് മുകളിലാണെന്നു അവള് തിരിച്ചറിഞ്ഞിരിക്കാം.





ഒരു ദിവസം മുഴുവന് പോലും സത്യ നാഥന് കമലെടത്തിയുടെ അടുത്തു നില്ക്കാന് കഴിഞ്ഞില്ല .യാത്ര പോലും പറയാതെ സത്യ നാഥന് കാറില് കയറുന്നത് നിര്ജ്ജീവമായ കണ്ണുകളോടെ കമലേടത്തി നോക്കി നിന്നു .വയ്യ ,തന്റെ അവസാന ശ്വാസം വരെ താനിവിടെ ഉണ്ടാവും .സത്യ നാഥന്റെ അച്ഛന്റെ അസ്ഥി ത്തറയില് മുടങ്ങാതെ തിരി കൊളുത്തണം.തനിക്കു താങ്ങായ് നിന്ന തന്റെ നിഴലായ് നിന്ന സത്യന് മാഷിന്റെ ജീവിതത്തിലേക്ക് കടന്നു ചെല്ലണം കനലായ് എരിഞ്ഞ് തീരാന് പോവുന്ന യൌവനമെങ്കിലും തനിക്കു വേണ്ടി ജീവിക്കണം







കമലേ നീയീ തീരുമാനം നേരത്തെ എടുക്കേണ്ടതായിരുന്നു .പക്ഷെ ഇപ്പോഴായിരിക്കാം സത്യനാഥന്റെ അച്ഛനു മോക്ഷം കിട്ടിയത് .ഇതായിരുന്നു മാഷിന്റെ പ്രതികരണം .







മുരിക്കിന് ചില്ലയില് വായ് പുണ്ണ് പിടിച്ചൊരു ചിതലക്കിളി നിറുത്താതെ ചിലച്ചു .വീര്ത്തു കെട്ടിയ ആകാശം വെളുത്ത മേഘങ്ങള് കൊണ്ട് ശുദ്ധീകരിച്ചു .മുരിക്കിന് പൂവുകളുടെ ശ്മശാനത്തില് കാറ്റ് വീശി ചോരത്തുള്ളികള് തെറിക്കും പോലെ മുരിക്കിന് പൂവുകള് സ്ഥാനം തെറ്റി വീണു .സത്യന് മാഷുടെ കരം ഗ്രഹിച്ചു കമലേടത്തി വീടിനുള്ളിലേക്ക് കയറി

.Updated about 2 weeks ago · Comment ·LikeUnlike

Write a comment......